مشاري لماس + مشعل لماس

[سيف بن حجاج الزميلي]

صعبٍ عليّا فقد حرٍ وقرناس = فقد النشامى إعتبرها جريمة
يامن يطمني على أشبال لماس= غابوا وغيبتهم أبد مو غنيمة
عساه ظرفٍ إيتعدى بلاباس = ونشوفكم وانتم بصحة سليمة
أتنى الجواب ومايصدن هل الياس =جواب عاجل من مشاري وتويمه

[طلال نافل الضوي]

صح السانك ياسيف
وابشرك ان ابناء الخال مشعل ومشاري بخير ونعمه
بس صارلهم اسبوع برفحاء يختبرون وان شاء الله انهم يقرون
قصيدتك ويردون عليك ..

[رفحاوي]

مشاري ومشعل وجب الرد لا مناص من القناص
لا نعذركما ابو حجاج بيض الله وجهك انا من دخلت وانا ما اشوفهم متواجدين

[ابو نواف]

يامرحبا واهلين ياطيب الساس=ياماشين على السلوم القديمه
يابن الزمالى يابعد كل بلاس=لك في صميم القلب ود وحشيمه
حنا برفحاء عند نانسن ماهم ناس=وساع الطعون مكبرين الوليمه
وابو تميم اللي جمايّله للراس=فزعلنا بالدرس فزعه عظيمه
قرناس لاكنه ماهو بي قرناس=يكفخ ويطلع للسطر والغنيمه
ويابو عمر كنك من عيال لماس=واقبل تحيات التويم وتويمه

وافي يايو عمر عساك ماتفقد غالي انشالله
وادعولنا ان الله يوفقنا بالاختبارات

[بوح القوافي]

الله الله يابو عمر أبيات ومشاعر لاتستغرب من رجل بمكانتك صح لسانك مليون ولاهنت
ويستاهلون عيال لماس وعز الله أننا فقدناهم الأيام الماضيه الله يوفقهم وينجحهم
ويردهم لأهلهم سالمين غانمين ..

صح لسانك يا بونواف رد وافي وجزل والله يوفقكم وينجحكم

[سيف بن حجاج الزميلي]

المشاركة الأصلية كتبت بواسطة ابو نواف

يامرحبا واهلين ياطيب الساس=ياماشين على السلوم القديمه
يابن الزمالى يابعد كل بلاس=لك في صميم القلب ود وحشيمه
حنا برفحاء عند نانسن ماهم ناس=وساع الطعون مكبرين الوليمه
وابو تميم اللي جمايّله للراس=فزعلنا بالدرس فزعه عظيمه
قرناس لاكنه ماهو بي قرناس=يكفخ ويطلع للسطر والغنيمه
ويابو عمر كنك من عيال لماس=واقبل تحيات التويم وتويمه

وافي يايو عمر عساك ماتفقد غالي انشالله
وادعولنا ان الله يوفقنا بالاختبارات

ومية نعم بمعازيبكم .
أبو نواف ـ ياعل فالكم التوفيق باختبارات الدنيا والآخرة .

[سيف بن حجاج الزميلي]

طلال نافل ــ رفحاوي ــ بوح القوافي
أشكر لكم مشاركتكم وحضوركم وعسانا ما نفقد اللي مثلكم وشرواكم .

[ألسنة اللهب]

صح السانك يابو عمر وافي ولاهو مستغرب منك الوفاء
وصح السان ابو نواف ونعم والله بجماعتنا اهل رفحاء
ونعم في ابا تميم محمد العبيد يستاهل وعسا الله يستر عليه

[ابو سعود]

اعوذبك يالله من كل وسواس=ومن كل عار وكل ذم وشتيمه
ومن كل جاهل للعذاريب عساس=اللي يدور للعلوم الوخيمه
ومن بعدها يابو عمر حي هالراس=والخير جعل الله عليكم يديمه
منك الوفا ماهو بمستغرب احساس=يابو النوايا الصادقه والسليمه
تنشد مثل نشدت ابو دباس لدباس=تقول من شاف التويم وتويمه
حنا بدار اللي للاجود نبراس=رفحاء عسا بقيعانها تهل ديمه
واخص انا محمد ذرا كل محتاس=ابو تميم الله يخلي تميمه
الحبر مايوفيه مع كل قرطاس=لو كان عندي منهن الف خيمه
ضراه ابوه اللي على الطيب جلاس=عمي عبيد ابو اليدين الكريمه
ياعل يفداه الردي شارب الكاس=اللي يقابل بالملاقى حريمه
والله لولا الخوف من ضيق الانفاس=وتضييق بعض نفوس ناسن حشيمه
لاقولها واحطها بين الاقواس=من شان يقراها فطيم وفطيمه
وختامها يابو عمر حي هالراس=ياناشدن عن التويم وتويمه

[خالد بن طراد]

المشاركة الأصلية كتبت بواسطة سيف بن حجاج الزميلي

صعبٍ عليّا فقد حرٍ وقرناس = فقد النشامى إعتبرها جريمة
يامن يطمني على أشبال لماس= غابوا وغيبتهم أبد مو غنيمة
عساه ظرفٍ إيتعدى بلاباس = ونشوفكم وانتم بصحة سليمة
أتنى الجواب ومايصدن هل الياس =جواب عاجل من مشاري وتويمه

الله لله يابو عمر
مشاعر رائعه وطيبة
والوفاء من راعي الوفاء ليس بمستغرب
صح لسااااانك مليار